Sniglablogg

Annað barnabarnið í beinan ættlegg

Jæja það fjölgar svoleiðis og fjölgar hjá okkur í Sniglunum , Tvö barnabörn í beinan ættlegg , en Rögnvaldur (eða þannig) er á ofurhraða að fjölga barnabörnum í óbeinan ættlegg hann á líka tvö .

Þetta er hann Tóti litli Þórunnar ömmu son

ekkert smá mikill dúllurass , enda undan eðal fólki kominn.

mússí mússí

Tilkynning um morð

Kæra löðregla.

Ég vil tilkynna um yfirvofandi morð.

Þannig er mál með vexti að ég hef eina vinkonu mín stórlega grunaða um að reyna að drepa mig.

Ég held jafnvel að hún sé á tvöföldum launum við að drepa mig þannig að þetta eru þá skattsvik líka.

Hún vinnur á veitingastað hér í bæ og fær fríkeypis að borða í hádeginu.

Þetta er sko ekkert slor sem hún er að narta í eða afgangar sem gestirnir vildu ekki. Ó-nei.

Þetta eru svoleiðis stórfiskarnir og sósurnar og ég veit meira að segja til þess að hún hafi sporð-rennt aftasta hlutanum á bróðir hans Keikó dýfðu í soja og wasabi á virkum degi.

Eru ekki einhver lög sem ná yfir það að hún sendi mér ljósmyndir í lit af fiskinum á diskinu?

Hvað með velferðaráðuneytið? Er búið að leggja það af?

Ég er algjörlega í öngum mínum hérna heima að fá mér eggjasalat á Tuc-kexi með kaffisopa og hef því samband við ykkur.

Hvað á ég að gera? Hvert á ég að snúa mér? Ég vil ekki deyja úr afbrýðisem alveg strx.

Ég er nefnilega að fara til spáns að hitta Frankó og Maríu Meyju.

Með von um að þú hafir ráð undir svína-rifjunum sem verða í matin hjá mér á morgun.

Yðar

Eigöst

Silver babes búningarnir

eru bara komnir.... Í-ha.

Djös er ég spennt að máta þetta og sko ég er alveg gjörsamlega til í að hitta ykkur á föstudagskveldið

ef þið getið.

Nú verðum við að vanda valið á bleiku hárkollunum :-)

Og bleika naglalakkinu og glimmerskónum :-)

Gvöððððð ég er svo spennt. Ætli það sé ekki bezt að ég sendi frú Margréti línu og árétti við hana að hafa hvítvínið drykkjarhæft.

Ég fer ekki eina ferðina enn með ykkur svoleiðisbláedrú að þið gætuð haft barn á brjósti.

Ég er búin að senda Frú Margréti línu.

Svo er ég líka búin að sjá myndir af Tótu í gallanum og Frú Ingiríði og ég sver að ég hlakka ekkert smá til að mæta :-)

Lifi byltingin og kaffið!!

Frú Laufey

Sko ég var næstum dauð úr tiltekt og þrifum og röðun og saumaskap og fataviðgerðum.

Já og eldamennsku og svo varð ég að taka líkþorn af tánni á mömmu.

Svo sat frú Laufey bara þarna og ég svoleiðis hamaðist og hamaðist.

Já hún hamaðist líka við að hekla svona klukkur sem er svo sett á ljós og sagði mér sögur af löngusíðan dauðu fólki.

Sver það að henni féll varla verk úr hendi og svoleiðis orðin 91 og hálfs.

Já og svo ætla ég að segja ykkur það að þetta blaktandi strá í vindi, hún móðir mín borðar allavegana 7 sinnum á dag.

Sko hún vaknaði og fékk sér morgunmat og pillur.

Svo greiddi hún sér og var strax farin að hafa áhyggjur af því hvað væri í hádegismat.

Svo borðaði hún hálfa brauðsneið og hálft egg og 1 bolla af soðnu vatni.

Nú og þá var klukkan orðin 12 svo að þá varð hún að fá hádegismat og kaffisopa og á meðan hlustaði hún á dánartilkynningar.

Svo fékk hún sér kaffi og kleinu og 1/8 úr epli.

Nú og þá varð að taka til handa henni síðdegishressingu og soðið vatn.

Svo var kvöldmatur og að sjálfsögðu desert á eftir sem hún borðaði hálfan.

Svo orgaði hún allt í einu "ésúss minn, er ekkert með kaffinu?"... þá var hryggurinn sem ég eldaði bara að "legge sæ" í mallanum á mér.

Muniði hvernig var að vera með smábarn sem er alltaf borðandi?

Það er þannig að vera með mömmu nema það er allt í stafrófsröð og skínandi hreint hjá mér.

Hils

Áskúra

Fyrsta Barnabarnið okkar komið í heiminn

Gvöð og englarnir voru að ræða saman.

"Hvurnig er meðana Ágústínu?"

"Á hún engin barnabörn?" sagði Gvöð við englana.

"Nei, við höldum að það sé allt ónýtt sem undan henni kemur" sagði englakórinn.

"Nú! sagði Gvöð... ég sé ekki betur en að hann Rögnvaldur hennar sé með barn í maganum".

"Já það, sagði englakórinn"... " Nei hún fékk hann svona".

""Við vorum fullir og vorum að fíflast jólahlaðborðinu fyrir 15 árum" sagði englakórinn.

"Var ég ekki búin að banna ykkur að leika ykkur með óléttuprikið?"

"Muniði ekki eftir því þegar þið bjugguð til hann Róbertínus?"

"Jú, auðvitað munum við eftir því, það er nú ekki hægt að gleyma svoleiðis hvirfilvindum" sagði englakórinn.

"Æji, í guðana bænum sendiði henni strákinn sem situr þarna uppi á borði með kórónuna á hausnum".

"Ertu að meina hann Þórbert?" spurði englakórinn.

" Á hann ekki að verða forseti?" spurði englakórinn.

"Jú, auðvitað" sagði Gvöð...

"Verðum við þá ekki að setja í hann gáfurnar hennar Ágústínu" sagði englakórinn.

Í samtali við Völvuna sagði hún að mikil átök yrðu hjá Sniglunum. Völvan sagðist helst sjá lágan kassa, sem liti í fyrstu út eins og stór konfektkassi, sem yrði Sniglunum erfiður og eina vandanum myndi valda. Á þessum kassa væru einhverjar tölur sem virtust vera mjög breytilegar. En ástandið yrði erfiðara eftir því sem tölurnar væru hærri. Við fyrstu væri þetta eins og einhvurslax vísitölu kassi og fylgdi sömu reglu og neysluvísitalan en við nánari athugun þá væri þetta mun flóknara fyrirbrigði. Tauga -og rótarvandi áamt gráti og gnístran tanna virðist andlega tengdur þessum kassa. Völvan sagðist samt sjá að vandi þessi myndi að endingu opna kassann og þá kæmi í ljós að þetta væri alsaklaust verkfæri sem væri alveg laust við að vera andsetið að hinum vonda sjálfum eins og einhvur meðlimur hefur þráhaldið fram. Þegar Völvan var innt eftir fleiru tengt þessum hópi þá flissaði hún og sagðist sjá appelsínugula iðandi kös, Svan við sjó og flæðandi kampavín og mörg salatblöð ásamt óendanlega miklum hlátri.

Megasukkferð-in.

Hin árlega sukkferð Sniglanna var farin að venju. Það var "etið, drukk og verð glaðr" eins og undanfarið. Fallþungi var ekki sá sami við brottför og við komu á unglömbunum. Lauslega var nartað í heitreykta gæs og snöggristað heiðalamb af ný-slátruðu með úrvali af salati í forrétt. Í for-forrétt var ein dolla af Makkintossi og kíló af laufabrauðspörtum skolað niður með sjampói og Grandi. Rétt si-svona til að ekki festist þurrt brauðið í öndunarveginum. En aðalrétturinn var vandlega snyrtir halar af humri sem búið var að nudda vöðvabólguna úr með hvítlauk og jómfrúarolíu, og skola uppúr hvítvíni, til að stundin í ofninum yrði þeim skemmtilegri.

Eldaðir við sérlega háan hita í örfáar mínútur og svo raðaðir í stafrófsröð á fat.

Með þessu var drukkin rjómahvítlaukssósa og súraldin-sýrðu-rjómasósa. Til að ná niður hvítlauksbragðinu, var munnurinn baðaður inn á milli bita með hvítu... þarna já..... hvítu. Eða var það rautt?

Svo var Heilsubælið

tekið með trompi og fjarstýringu. Engar sögur fara af desertnum. En það var morgunmatur.

Ekki var full mæting hjá Sniglum að þessu sinni. Einn var í útlöndum að kaupa jólagjafirnar okkar og hinn lá heima í áhyggjukasti yfir kortareikning fyrrnefndar, eða annarri lífshættulegri rótarvandabólgu. Jónar transport hafa boðist til að flytja heim allt það er kaupæðissnigillinn telur passlegt í sniglapakkana.

Búið er að leita álits hjá Helga dýralækni útaf þessu með rótarvandann. Hann sagði að það ætti að gefa henni pene-sílín og hvíla hana í viku-10 daga og binda um hana teygjubindi og skipta á hverjum degi. Ef hún væri þá ekki orðin góð, ætti að mynda hana. Helst á Canon 400 og fótósjoppa hana svo.

Þessi mynd verður tekin í næstu ammeríguferð, þar sem allt verður keypt sem hægt er.

Árleg megasukkferð sniglanna

Fleiri myndir eru væntalegar af sögufrægri árlegri sukk og svínaríferð sniglanna en þetta er fyrsta myndin sem var tekin

ótrúlega mikil fagmennska á ferð

BLÓMADAGAR Í HÖRDÍGÖRDÍ

Góðan Góðan daginn Sniglar. Þar sem að senn líður að helginni góðu.... þá er akkúrat mál að senda skipulagið til ykkar. Eins og venjulega er allt skipulagt útí hörgul. Tímasetningar mega alls ekki klikka. Komið þegar þið viljið og farið áður en þið þurfið að fara að vinna á mánudaginn...Komið með það sem þið viljið á grillið og ég sé um diska, glös og hnífapör, salat og sósur ......já já brúna, bleika og hvítar :-) Svo verður sungið og spilað á gítar og harmonikku og hljómborð og svo syngjum við Steini hástöfum.... ( Inga þú skammar okkur ekki núna ) og svo verður færeyskur dans. Brattabandið hefur verið stofnað að þessu tilefni. Við kveikjum upp í grillinu svona um 6 leitið og þið mættuð gjarnan vera komnar áður eða ekki. Sem sagt það er skipulagið sem gildir. Já það eru svo svona allskonar sölubásar og smakkbásar oní bæ.... ef þið viljið fá ykur forrétt. Annars eru nú oft einhverjir forréttir hjá okkur Róbert hehehe. Veriði svo ekki að trubbbbla mig ... ég er í skólanum