Sniglablogg

Yfiraðalfundur Sniglanna.

nbccomp15

Gestir tínast á svæðið í rétta outfitinu að sjálfsögðu og mæta svo brosandi í móttöku.

Fordrykkir:

Tekið til í vínskápnum hjá Íþrótta-Snigli... sem inniheldur ótrúlega mikið... miðað við ástandið alltaf hreint á henni, hrist með klaka og skreitt með jólaskrauti og röri.

Og með drykknum er framreitt "amuse-bouche (\'ä-müz-'büsh), á ensku "mouth amuser" ... á íslensku útleggst það "snakk".

Með þessu Ammnamm-búsi eru bornar fram viturlegar samræður um allt það helsta sem er að gerast í þjóðfélaginu. Ekki er samt talað um Davíð eða Geir af tillitsemi við "þið vitið hverja". Og ekki um Jón eða Séra Jón af hinni tillitseminni.

Þegar hér er komið sögu hafa matreiðslumeistararnir galdrað fram dýrindis súpu úr einum nagla og nögl af hana. Toppað með rjóma sem búið er að þeyta hitaeiningarnar úr. Með súpunni er borið fram allskonar góðgæti sem er skreytt með sérinnfluttu kryddi frá Færeyjum. Með þessu er drukkið vín sem er innflutt af ÁTVR. Ekki er í boði að hafa svokallað kreppuvín um hönd.

Þegar hér er komið sögu verða teknar áhvarðanir í minni og stærri hópum undir húsvegg. Og þar á eftir er komið að eftirréttinum. Hann verður með súkkulaði. súkkuladi

raspberry

Síðan verða bornir fram kaldir drykkir og litlir bitar af allskonar sögum sem á vegi okkar hafa orðið og jafnvel verið fyndnar. Síðan er lauslega gert grín að "náunganum"... Þegar farið er að hæla afkomendunum á fleiri en 7 kanta.... og þeim gert að verða forsetar, framámenn og fegurðardrottningar.... er ljóst að.....maturinn var góður.

Flokkur: Bloggar | 20.11.2008 | 22:14 | Facebook